مولانا اپنی سیاسی ساکھ بچانے کے لیے راستہ مانگ رہے ہیں

ننکانہ صاحب: وزیر ریلوے شیخ رشید احمد کہتے ہیں کہ فضل الرحمان کو کشمیر پر ریلی نکالنے کی اجازت دی جا سکتی ہے۔

شیخ رشید احمد نے کہا کہ ہماری غلطی ہے کہ ہم نے مولانا کو زیادہ لفٹ کرائی ہے اسلام آباد میں سب اچھا ہے، کوئی خوف وہراس نہیں، اسلام آباد میں دھرنے کی کوئی گنجائش نہیں

مولانا فضل الرحمان کا معاملہ ٹھیک ہو جائے گا اورمولانا کے دھرنے کے لیے انتظامات سے کوئی فرق نہیں پڑتا۔

شیخ رشید نے کہا کہ مولانا اپنی سیاسی ساکھ بچانے کے لیے راستہ مانگ رہے ہیں، ہوسکتا ہے درمیانی راستہ نکل آئے، انہیں فیس سیونگ دی جاسکتی ہے، اس سلسلے میں فضل الرحمان کو کشمیر پر ریلی نکالنے کی اجازت دی جا سکتی ہے

بلاول بھٹو فضل الرحمان کے دھرنے سے ڈرے ہوئے ہیں، انہوں نے اپنی تحریک شروع کردی ہے، شہبازشریف وکٹ کے دونوں طرف نظر آرہے ہیں، ان سے کہا ہے وکٹ کے ایک طرف کھیلیں۔