نئی دہلی: مقبوضہ کشمیر میں مظالم کے خلاف سول سوسائٹی کی خواتین کا احتجاج
مقبوضہ کشمیر میں دفعہ 370 ہٹائے جانے کے بعد 72 روز سے جاری کرفیو اور قابض بھارتی فوج کے مظالم کے باوجود نہتے کشمیری ظلم کے خلاف سراپا احتجاج ہیں
سیکیورٹی فورسز نے مقبوضہ وادی کے سابق بھارت نواز وزیر اعلیٰ فاروق عبد اللہ کی بہن ثریا اور نوجوان بیٹی صفیہ کو مظلوم کشمیریوں کے حق میں آواز بلند کرنے پر گرفتار کر کے نامعلوم مقام پر منتقل کر دیا ۔
Srinagar: Farooq Abdullah’s sister Suraiya and daughter Safiya detained during a protest against abrogation of #Article370 https://t.co/E28i4c96zu pic.twitter.com/oAbrIiC3Rs
— ANI (@ANI) October 15, 2019
بھارتی نجی ٹی وی کے مطابق مقبوضہ کشمیر سے دفعہ 370 ہٹائے جانے کے خلاف سری نگر میں سول سوسائٹی کی خواتین نے سابق وزیر اعلیٰ فاروق عبد اللہ کی بہن ثریا اور بیٹی صفیہ کی قیادت میں بڑی تعداد میں اکٹھے ہو کر زبردست احتجاج کیا ،احتجاجی مظاہرے میں شامل خواتین وادی میں جاری مظالم کے خلاف آواز بلند کرنے کے لئے بازوؤں پر کالی پٹیاں باندھ کر اور ہاتھوں میں پلے کارڈ اٹھا کر شریک ہوئیں۔
سری نگر کے لال چوک پر سیکیورٹی اداروں نے خواتین کو آگے بڑھنے سے روک دیا تاہم خواتین احتجاجی دھرنا دے کر بیٹھ گئیں جس پر سیکیورٹی فورسز نے ثریا اور صفیہ سمیت کئی خواتین کو حراست میں لے کر نامعلوم مقام پر منتقل کر دیا
میڈیا نے ثریا بیگم اورصفیہ سےگفتگو کرنے کی کوشش کی تاہم فورسز نے صحافیوں کو سول سوسائٹی کی خواتین رہنماؤں سے گفتگو کرنے سے روک دیا اور کہا کہ میڈیا زیر حراست خواتین سے کسی قسم کی گفتگو سے گریز کرے۔
