تبلیسی: جارجیا میں خاتون رپورٹر سے بد تمیزی کرنے والا ملزم گرفتار
جارجیا میں براہ راست ٹی وی نشریات کے دوران رپورٹر کے ساتھ غیر اخلاقی حرکت کرنے والے شہری کو گرفتار کرلیا گیا۔
بین الاقوامی میڈیا رپورٹس کے مطابق تھامس کلاوے نامی شخص کو سرعام خاتون کو جنسی طور پر ہراساں کرنے کے الزام میں گرفتار کیا گیا ہے، ملزم نے امریکی ٹی وی کی خاتون رپورٹر کو براہ راست نشریات کے دوران نامناسب طریقے سے چھوا تھا۔
رپورٹر بوزارجین اپنی پیشہ وارانہ امور کی انجام دہی کے سلسلے میں ایک میراتھن کی کوریج کررہی تھیں اور وہ براہ راست ٹی وی پر ناظرین کو صورتحال سے آگاہ کرنے میں مصروف تھیں کہ اس دوران واک میں حصہ لینے والے شخص نے انہیں چھو لیا۔
اچانک ہونے والی اس غیر معمولی حرکت پر رپورٹر چونک گئی اور وہ ایک لمحے کے لیے اپنے ساتھ پیش آنے والے واقعے پر سکتے میں آگئیں، بعدازاں رپورٹر نے واقعے کی فوٹیج کے ساتھ سوشل میڈیا پر اپنے سے پیش آنے والے واقعے کی تفصیل لکھی اور شہری کی جانب سے نامناسب رویے پر سخت برہمی کا اظہار کیا۔
Check out this jerk smacking a @WSAV reporter’s ass live on air. And sorry, that’s my kiddo making horribly timed weird noises in the background. pic.twitter.com/6tzi6P1Jbo
— Tonya (@GrrrlZilla) December 7, 2019
یہ ویڈیو سوشل میڈیا پر وائرل ہوگئی اور صارفین اپنے اپنے انداز میں اس پر ردعمل دینے لگے جب کہ ٹی وی نے بھی اپنی رپورٹر کے ساتھ پیش آنے والے واقعے کو سنجیدگی سے لیا اور باقاعدہ شکایت درج کرائی جس پر پولیس نے ملزم کو شناخت کرکے گرفتار کرلیا۔
تھامس کلاوے نے مذکورہ ٹی وی سے بات چیت میں اپنی غلطی کا اعتراف کرتے ہوئے وضاحت پیش کی اور نامناسب حرکت پر آن ایئر معافی بھی مانگی۔
