محکموں کے لئے خزانے بند لیکن وزیراعلیٰ ہاؤس کے لئے خزانے کھلے ہیں

کراچی: وزیر اعلیٰ سندھ کا انوکھا کارنامہ، کورونا وباء کے مشکل دنوں میں وزیراعلیٰ ہاؤس کی تزئین کیلئے ڈیڑھ کروڑ جاری کر دیئے

کورونا وائرس کی موجودہ صورتحال میں وزیراعلیٰ سندھ دوہرامعیار برت رہے ہیں، سندھ میں متعدد محکموں کے لئے خزانے بند لیکن وزیراعلیٰ ہاؤس کے لئے خزانے کےدروازے کھلے ہیں۔

محکمہ خزانہ سندھ کی جانب سے وزیراعلیٰ ہاؤس کی تزین و آرائش کیلئے ڈیڑھ کروڑ جاری کردیئے گئے ۔

وزیراعلیٰ ہاؤس کی تزین وآرائش کا کام جاری ہے، نوٹیفکیشن میں کہا گیا ہے کہ وزیراعلیٰ ہاؤس کی تزین و آرائش کا کام شفاف طریقے سے کیا جائے۔

وزیراعلیٰ سندھ دوہرامعیار برت رہے ہیں، یونین کونسلز کے ماہانہ اخراجات کے دو دولاکھ روپے کی کٹوتی کی گئی ہے، دیگر محکموں کے ترقیاتی فنڈز بھی بند کردیئے گئے ہیں، عوام بھی گھروں میں قید ہیں,زندگی کا پہیہ جام ہے, وزیراعلیٰ بار بار یہ کہتے سنائی دیتے ہیں کو حکومت کو مالی بحران کا سامنا ہے لیکن وزیراعلیٰ ہاؤس کی سجاوٹ کیلئے مشکل وقت میں رقم جاری کردی گئی جبکہ مزید رقم بھی جاری کرنے کا عندیہ دیا گیا ہے۔