پی آئی اے کی تین فضائی میزبان کورونا سے متاثر ہوگئیں

اسلام آباد : پی آئی اے کی تین مزید فضائی میزبان کورونا وائرس کی تصدیق

پی آئی اے کی تین مزید فضائی میزبان کورونا وائرس کا شکار ہوگئیں ہیں۔ متاثرہ فضائی میزبانوں میں سے ایک کا تعلق پشاور اور باقی دو کا تعلق لاہور سے ہے۔

تینوں فضائی میزبان لاہور سے پی آئی اے کی ریلف پرواز پر مانچسٹر گئے اور واپسی پر اسلام آباد پہنچے تھے اور دو روز سے مقامی ہوٹل میں قرنطینہ میں تھے۔ قرنطینہ کے دوران کورونا کے ٹیسٹ لئے گئے۔

ترجمان پی آئی اے کے مطابق اتوار کی شب تینوں فضائی میزبانوں میں کورونا وائرس کی تصدیق ہوئی ہے۔ کورونا کے شکار فضائی میزبانوں کو علاج کے لئے اسپتال منتقل کردیا گیا ہے۔