ملک میں کورونا سے مزید 38 افراد زندگی سے محروم ہوگئے

اسلام آباد : پاکستان میں کورونا سے شرح اموات دو اعشاریہ تین تک پہنچ گئی ہے۔

پاکستان میں کورونا وائرس کی وباء موت کا پروانہ بن گئی ہے۔ گزشتہ دو روز کے دوران مزید 78 افراد جان کی بازی ہار گئے۔

ملک میں اموات کی شرح میں مسلسل اضافہ دیکھنے میں آرہا ہے اور اب تک 564 مریض موت کے منہ میں جا چکے ہیں۔

عالمی ادارہ صحت کی رپورٹ کے مطابق دنیا بھر میں کورونا سے اموات کی شرح دو فیصد ہے، مگر پاکستان میں گزشتہ چند روز میں زیادہ اموات کے بعد یہ شرح دو فیصد سے بڑھ کر دو اعشاریہ تین فیصد تک پہنچ گئی ہے۔

طبی ماہرین کا کہنا ہے کہ اموات کی شرح بڑھنا اچھا اشارہ نہیں اس کا سنجیدگی سے نوٹس لے کر ہنگامی اقدامات کی ضرورت ہے۔