وہ لڑکی میری 13سالہ شادی کو خراب کرنے کی کوشش کررہی تھی : آمنہ عثمان
لاہور : اداکارہ عظمیٰ خان اور ان کی بہن پر تشدد کرنے والی خاتون آمنہ عثمان سامنے آگئی
آمنہ عثمان کی ایک ویڈیو سامنے آئی ہے جس میں خاتون آمنہ کا کہنا ہے کہ وہ لڑکی میری 13سالہ شادی کو خراب کرنے کی کوشش کررہی تھی
آمنہ نے کہا کہ میرے خاوند عثمان کا ملک ریاض سے کوئی تعلق نہیں ہے، حسان نیاز صرف پیسے لینے کیلئے یہ سب کر رہے ہیں، انہوں نے ہم سے رابطہ بھی کیا کہ لڑکیوں کو پیسے دیے جائیں، حسان نیاز صرف پیسے لینے کیلئے یہ سب کر رہے ہیں۔
EXCLUSIVE: Amna Usman, the wife of Usman Malik just came out… #UzmaKhan
Part – 1 pic.twitter.com/4O26GdVXEN— Shiffa Z. Yousafzai (@Shiffa_ZY) May 27, 2020
آمنہ عثمان نے کہا ہے کہ ان کے بارے میں کہا جارہا ہے کہ انہوں نے کسی کے گھر میں گھس کر یہ کام کیا حالانکہ یہ سب غلط ہے۔ وہ میرے شوہر عثمان کا ہی دوسرا گھر ہے اور میں اسکے پیچھے ہی وہاں گئی تھی۔
آمنہ عثمان نے کہا ہے کہ حسان نیازی نے ہم سے رابطہ بھی کیا کہ لڑکیوں کو پیسے دیے جائیں لیکن میں نے انکار کردیا کیوںکہ ہم حق پر ہیں۔
آمنہ نے کہا کہ وہ لڑکی میری 13سالہ شادی کو خراب کرنے کی کوشش کررہی تھی اور میں نے اسے اس سے قبل کئی بار منع بھی کیا تھا میرا 11سال کا بیٹا ہے اور میں نے عثمان کو چھوڑ دیا ہے کیونکہ اصل غلطی اسکی ہے اور اگر کوئی اصل مجرم ہے تو وہ عثمان ہے۔
آمنہ نے کہا کہ جب میں وہاں پہنچی تو وہ لڑکیاں کہتیں کہ وہ اعتکاف سے اٹھی ہیں، یہ کون سا اعتکاف تھا کہ وہ 10بجے اعتکاف سے اٹھیں اور 11بجے وہاں کوکین کی لائنیں اور شراب چل رہی تھی۔
اس سے قبل کچھ ویڈیو سامنے آئی تھیں جن میں دیکھا جاسکتا ہے کہ 2خواتین اپنے مسلح گارڈز کے ہمراہ ایک گھر میں داخل ہوئیں اور انہوں نے لڑکیوں کو شدید تشدد کا نشانہ بنایا۔
اداکارہ عظمیٰ خان نے ملک ریاض کی بیٹیوں پر ہراساں کرنے کا الزام عائد کیا ہے، اداکارہ نے پولیس کو شکایت درج کروا دی ہے۔
This is my official statement – Remember your gunmen pointed their guns towards two orphans and sexually harassed. We might be weak but now we have faith in Allah and people of Pakistan. I request you to share my statement and standby me in my difficult times. #uzmakhan pic.twitter.com/0QNgBUlTRb
— Uzma Khan (@uzmaaaK) May 27, 2020
عظمیٰ خان نے ٹویٹر پیغام میں کہا ہے کہ امبر ملک اور پشمینہ ملک نے انہیں جان سے مارنے کی دھمکیاں بھی دیں۔
