کراچی : ضیا الرحمان کو ڈپٹی کمشنر ضلع وسطی تعینات کردیا گیا۔
سندھ حکومت نے مولانا فضل الرحمان کے بھائی ضیا الرحمان کو فرحان غنی کی جگہ ڈی سی سینٹرل تعینات کیا ہے ، جس کا سندھ حکومت نے نوٹیفکیشن جاری کردیا ہے۔
ضیا الرحمن کا تعلق پرووینشل منیجمنٹ سروس خیبر پختونخوا سے ہے، ضیا الرحمن کی خدمات سندھ حکومت کے حوالے کی گئی تھیں اور انہیں تاحکم ثانی ڈپٹی کمشنر وسطی تعینات کیا گیا ہے۔
سابق ڈی سی سینٹرل فرحان غنی کا تبادلہ کرکے ایڈیشنل سیکرٹری لوکل گورنمنٹ تعینات کردیا گیا ہے۔
