عمران اشرف کی والدہ کیلئے مداحوں سے دعاؤں کی اپیل

کراچی : معروف پاکستانی اداکار عمران اشرف نے مداحوں سے والدہ کی صحت یابی کے لیے دعاؤں کی اپیل کی ہے۔

پاکستانی شوبز انڈسٹری کے معروف اداکار عمران اشرف نے والدہ کی خرابی صحت کے حوالے سے انسٹاگرام پر لکھا کہ ‘والدہ کی طبعیت خراب ہے ان کی صحت یابی کے لیے دعا کریں’۔

اس سے قبل انہوں نے راولپنڈی میں ارسلان نامی شخص کی اپنی والدہ پر ہاتھ اٹھانے کی ویڈیو کے تناظر میں ماں کی عظمت بیان کرتے ہوئے لکھا تھا کہ ‘ماں کا کتنا عجیب اور حسین رشتہ ہے جو بیٹے سے مار کھا کر بھی کہہ رہی ہے کہ میرا بیٹا بہت اچھا تھا بس اپنی اہلیہ کی باتوں میں آگیا’۔