لاہور: اب وقت آ گیا ہے کہ حکومت کو بے نقاب کیا جائے۔
اپوزیشن لیڈر شہبازشریف کہتے ہیں میرے قائد نے تقریر میں کوئی ایسی بات نہیں کی جو آئین سے متصادم ہو، کہا کہ سب مجھ پر مفاہمتی سیاست کا الزام لگاتے ہیں بتائیں مفاہمت سے اب تک کیا ذاتی مفاد حاصل کیا۔
مسلم لیگ ن کے پارٹی دفتر لاہور میں سینئر صحافیوں سے گفتگو کرتے ہوئے شہباز شریف کا کہنا تھا کہ حکومت کو جتنا وقت دینا تھا دے چکے مزید وقت نہیں دیں گے، اب وقت آ گیا ہے کہ حکومت کو بے نقاب کیا جائے عمران خان مجھے ہر صورت گرفتار کروانا چاہتے ہیں۔
شہباز شریف کا مزید کہنا تھا اے پی سی کے فیصلوں پر ہر صورت عمل درآمد ہوگا۔ مولانا فضل الرحمن بزرگ سیاستدان ہیں اس لئے انہیں قیادت سونپی ہے۔
مسلم لیگ کے صدر کا نے کہا ہمارے منصوبوں میں شفافیت ہے ایک دھیلے کی کرپشن نہیں کی گئی، نوازشریف نے کبھی محاذ آرائی کی بات نہیں کی۔
