لاہور : گلبرگ میں واقع حفیظ سینٹر میں آتشزدگی7 افراد کو بچالیا
بہادر لاہوری نوجوان نے اپنی زندگی داؤ پر لگا کر 7 افراد کی زندگی بچالی۔
نوجوان نے حفیظ سینٹر میں بھڑکتے شعلوں کی پرواہ کیے بغیر اپنی زندگی داؤ پر لگا کر تیسرے فلور پر پھنسے 7 افراد کو بچالیا، بھڑکتے شعلوں سے لوگوں کو بچانے کے دوران نوجوان بھی زخمی ہوگیا۔
نوجوان کا کہنا ہے کہ پھنسے ہوئے ایک شخص کے پاس لاکھوں روپے موجود تھے، شٹر گرنے کے باعث لوگ نہیں نکل سکتے تھے، تیسرے فلور پر پہنچا تو دکان میں پھنسا شخص رو رہا تھا۔
May Allah keep everyone safe Ameen #HafeezCentre https://t.co/zKJ9ySzut6
— Kamran Akmal (@KamiAkmal23) October 18, 2020
گلبرگ میں واقع حفیظ سینٹر میں لگنے والی آگ پر تاحال قابو نہیں پایا جا سکا ہے، فائر بریگیڈ کی 2 اسنارکلز 20 گاڑیاں اور 70 سے زائد اہل کار آگ بجھانے میں مصروف عمل ہیں۔
آتشزدگی کی اطلاع ملنے پر تاجروں کی بڑی تعداد حفیظ سینٹر پہنچی، جنھوں نے اپنی مدد آپ کے تحت اپنا قیمتی سامان نکالنا شروع کیا، اس دوران رقت آمیز مناظر بھی دیکھنے کو ملے، کئی تاجر اپنا کروڑوں کا سامان جلتا دیکھ کر آب دیدہ ہوگئے۔
وزیر اعلیٰ پنجاب نے واقعے کا نوٹس لیتے ہوئے مقامی انتظامیہ کو تمام ضروری وسائل بروئے کار لانے کی ہدایت کی ہے۔
