ٹائی ٹینک کی ہیروئن نے ٹام کروز کا ریکارڈ توڑ دیا

ٹائی ٹینک کی مشہور زمانہ ہیروئن کیٹ ونسلیٹ نے فلم کی عکس بندی کے دوران زیر آب 7 منٹ سے زیادہ دیر تک سانس روک کر لائیو اسٹنٹ ایکشن ہیرو ٹام کروز کو پیچھے چھوڑ دیا۔

ادکارہ کیٹ ونسلیٹ نے یہ ریکارڈ اپنی آنے والی نئی فلم اواتار ٹو (Avatar 2)کی شوٹنگ کے دوران بنایا۔

45 سالہ کیٹ ونسلیٹ نے زیر آب عکس بندی کے دوران 7 منٹ اور 12 سیکنڈز تک سانس روکی۔

ذرائع ابلاغ کا کہنا ہے کہ 2015 میں ٹام کروز نے مشن امپاسیبل کی شوٹنگ کے دوران ایک اسٹنٹ کرتے ہوئے پانی اندر 6 منٹ سانس روکنے کا ریکارڈ بنایا تھا جسے پانچ سال بعد کیٹ نے اپنے نام کرلیا۔

خیال رہے کہ ہالی ووڈ ڈائریکٹر جیمز کیمرون نے اپنی فلم اوتار کو 2009 میں ریلیز کیا تھا جس نے باکس آفس پر زبردست کامیابی حاصل کرتے ہوئے 2 ارب 79 کروڑ ڈالرز کمائے تھے۔