لاہور : معاون خصوصی برائے اطلاعات نے کہا ہے کہ راجکماری صاحبہ کی ڈوبتی کشی میں کوئی سوار نہیں ہوگا، چھلانگیں لگانے والے وزیر اعظم اور وزیر اعلیٰ پنجاب سے رابطے میں ہیں۔
ان خیالات کا اظہار وزیر اعلیٰ پنجاب سردار عثمان بزدار کی معاون خصوصی برائے اطلاعت ڈاکٹر فردوس عاشق اعوان نے اپوزیشن اتحاد پاکستان ڈیموکریٹک موؤمنٹ پر تنقید کے نشتر چلاتے ہوئے کیا، انہوں نے کہا کہ پی ڈی ایم کی ڈوبتی کشتی سے لوگوں سے چھلانگیں لگانا شروع کردیں ہیں۔
فردوس اعوان کا کہنا تھا کہ راجکماری صاحبہ کی ڈوبتی کشتی میں کوئی سوار نہیں ہوگا، آپ کے اپنے ممبران ہچکولے کھاتی کشتی سے چھلانگیں لگارہے ہیں۔
معاون خصوصی برائے اطلاعات نے کہا کہ مصطفیٰ نواز کا استعفیٰ پی ڈی ایم کی صفوں میں پھیلنے والی مایوسی کا آئینہ دار ہے، چھلانگیں لگانے والے وزیر اعظم اور وزیر اعلیٰ پنجاب سے رابطے میں ہیں۔
فردوس عاشق نے کہا کہ راجکماری پی ڈی ایم کی ماچس پکڑ کر پورے ملک کو آگ لگانے نکلی ہیں۔
ان کا کہنا تھا کہ پاکستان میں سب سے بڑے سیاسی جلسوں کا اعزاز صرف عمران خان کو حاسل ہے اور یہ گیارہ جماعتیں ملکر بھی پی ٹی آئی کے جلسوں کا ریکارڈ نہیں توڑ سکتیں۔
انہوں نے واضح کیا کہ عمران خان عوامی لیڈر ہے، بھان متی کا کنبہ ان کا کچھ نہیں بگاڑ سکتا، حکومت آپ کے ناپاک عزائم کو قانون کی عملداری سے خاک میں ملادے گی۔
وزیراعلیٰ پنجاب کی معاون خصوصی برائے اطلاعات ڈاکٹر فردوس عاشق اعوان نے مزید کہا کہ حکومت اپنی ایمانداری، محنت سے عوام کے دلوں پر راج کرتی رہے گی۔
