بھارتی فوج کی ایل او سی پر فائرنگ، خاتون شہید

روالپنڈی : بھارتی فوج کی لائن آف کنٹرول پر فائرنگ سے 50 سالہ خاتون شہید ہوگئیں۔

آئی ایس پی آر کے مطابق بھارتی فوج نے ایل او سی پر جنگ بندی معاہدے کی خلاف ورزی کرتے ہوئے تتہ پانی جند روٹ سیکٹرز پر بلااشتعال فائرنگ کی۔

بھارتی فوج کی فائرنگ سے 50 سالہ خاتون شہید اور 4 سالہ بچی سمیت 3 شہری زخمی بھی ہوئے۔ بھارت کی جانب سے شہری آبادی کو نشانہ بنایا گیا۔

بھارتی فوج نے بھاری ہتھیاروں کا اندھا دھند استعمال کیا۔ زخمیوں کو طبی امداد کیلئے اسپتال منتقل کر دیا گیا ہے۔