علی سدپارہ کا تاحال پتا نہ چل سکا
مہوش حیات کوہِ پیما علی سدپارہ اور اُن کے ساتھیوں کیلئے دُعاگو
اداکارہ مہوش حیات نے لاپتہ ہونے والے عالمی شہرت یافتہ کوہ پیما علی سد پارہ اور اُن کی ٹیم کے لیے سوشل میڈیا پر دُعائیہ پیغام جاری کیا ہے۔
ٹوئٹر پر جاری کیے گئے پیغام میں مہوش حیات نے کہا کہ ’آج ہمارے خیالات اور سوچوں میں صرف کوہِ پیما محمد علی سدپارہ، ان کے ساتھی آئس لینڈ کے جان اسنوری اور چلی کے جے پی موہر کا ذکر ہوگا۔
Tonight our thoughts are with the intrepid climbers, Muhammed Ali Sadpara, John Snorri from Iceland & MP Mohr from Chile who remain missing on K2. Let’s all pray for the safe return of these brave men. 🤲🏻#k2winterexpedition2021 #alisadpara #JohnSnorri #MPMohr pic.twitter.com/nvv8VQHjtO
— Mehwish Hayat TI (@MehwishHayat) February 6, 2021
مہوش حیات نے کہا کہ ’اُن کے اہلخانہ سمیت ہم بھی اُن کی اچانک گمشدگی پر شدید پریشان اور افسردہ ہیں۔‘
اداکارہ نے کہا کہ ’آئیے، اُن بہادر نوجوانوں کی واپسی کے لیے ملکر دُعا کریں۔‘
مہوش حیات کے اس ٹوئٹ پر صارفین کی بڑی تعداد کوہِ پیما اور اُن کی ٹیم کی جلد واپسی کے لیے دُعا کررہی ہے۔
واضح رہے کہ دنیا کی دوسری بلند چوٹی کے ٹو کو موسمِ سرما میں سر کرنے والے ملک کے عالمی شہرت یافتہ کوہ پیما علی سد پارہ کی تلاش میں آج پھر سرچ آپریشن شروع ہو چکا ہے۔
علی سدپارہ اور ان کی ٹیم کو گزشتہ روز ہیلی کاپٹرز کے ذریعے 7 ہزار میٹر کی بلندی تک تلاش کیا گیا۔
