عمران خان کی سابقہ اہلیہ جمائما گولڈ اسمتھ کو ایک کتاب کے عنوان نے پریشان کر دیا ہے۔
جمائما نے مائیکرو بلاگنگ ویب سائٹ ٹوئٹر پر پاکستانی مصنفہ اور کالم نگار بینا شاہ کے ایک ٹوئٹ کو ری ٹوئٹ کیا ہے۔
انہوں نے جرنلسٹ بینا شاہ کے ٹوئٹ کو ری ٹوئٹ کرتے ہوئے لکھا کہ ’کتاب دیکھ کر مجھے بھی اتنی ہی خوشی ہوئی جتنی آپ کو ہوئی لیکن میں کتاب کے عنوان سے تھوڑا پریشان ہوں۔
دراصل جرنلسٹ بینا شاہ نے کراچی میں بک اسٹور میں لی گئی اپنی ایک تصویر کو ٹوئٹر پر پوسٹ کیا ہے۔
Equally pleased but a little worried that’s because the title is being taken literally… @Baddiel https://t.co/chBLsl2XBl
— Jemima Goldsmith (@Jemima_Khan) April 4, 2021
اس تصویر میں بینا کوایک کتاب پکڑے دیکھا جاسکتا ہے جو کہ ایک مشہور بر طانوی کامیڈین اور ناولسٹ ڈیوڈ بڈیل کی لکھی ہوئی کتاب ’ جیوش ڈونٹ کاؤنٹ‘ ہے۔
بینا نے یہ تصویر پوسٹ کرتے ہوئے لکھا کہ اس کتاب کو اپنے بک اسٹور پر دیکھ کر خوش اور تھوڑا حیران ہوں۔‘
جمائما کے اس ٹوئٹ پر ٹوئٹر صارفین مختلف قسم کے تبصرے بھی کر رہے ہیں اور کچھ صارفین اس کتاب کا متنازع عنوان پڑھ کر حیران ہیں کے اس کتاب پر پابندی عائد نہیں ہوئی۔
