کرونا وائرس کی تیسری لہرہوئی بے قابو،ایک دن میں 105 مزید اموات

اسلام آباد : کرونا وائرس کی تیسری لہر بے قابو ہوتی جارہی ہے، ایک روز کے دوران ملک بھر میں مزید 105 مریض انتقال کرگئے۔

نیشنل کمانڈ اینڈ آپریشن سینٹر کے کرونا وائرس سے متعلق جاری کردہ اعداد و شمار کے مطابق 24 گھنٹے کے دوران ملک بھر میں کرونا وائرس کے مزید 5 ہزار 312 افراد کرونا میں مبتلا ہوئے ہیں۔

این سی او سی کا کہنا ہے کہ 24 گھنٹے میں ملک میں کرونا سے مرنے والوں کی تعداد 105 رہی جبکہ کرونا میں مبتلا ہوکر انتقال کرنے والوں کی مجموعی تعداد 15 ہزار 229 ہوگئی۔

ملک بھر میں گزشتہ ایک روز کے دوران 54 ہزار 948 کرونا ٹیسٹ کیے گئے، جس میں سے 5 ہزار 312 مثبت کیسز رپورٹ ہوئے، اب ملک میں کرونا کے فعال کیسز کی تعداد 69 ہزار 811 تک پہنچ گئی ہے جبکہ مجموعی مریضوں کی تعداد 710,829 ہوگئی۔

نیشنل کمانڈ اینڈ آپریشن سینٹر کے اعداد و شمار کے مطابق ملک میں 24 گھنٹے کے دوران کرونا وائرس کے کیسز رپورٹ مثبت آنے کی شرح 9.66 فیصد رہی۔