کراچی :شہر قائد میں مبینہ پولیس مقابلے میں دو ڈاکو ہلاک ہوگئے۔
پولیس کا کہنا ہے کہ ناگن چورنگی کے قریب ایک شہری اے ٹی ایم سے پیسے لے کر نکلا تھا کہ ڈاکوؤں نے اس کو لوٹا اور فرار ہونے کی کوشش کی۔
اس دوران گشت پر موجود پولیس اہلکاروں نے ڈاکوؤں کو دیکھ کر فائرنگ کردی جس کے نتیجے میں دونوں ڈاکو موقع پر ہی ہلاک ہوگئے۔
فائرنگ کے نتیجے میں ڈکیتی کا شکار ہونے والا شہری اور ایک راہگیر خاتون زخمی بھی ہوئی ہیں۔
