کورونا سےمزید 70اموات، ہلاکتوں کی تعداد 17ہزار 187ہو گئی

اسلام آباد: کوروناوائرس کے وار جاری،گزشتہ چوبیس گھنٹے کے دوران 70 افرادہلاک ہوگئےجس کے بعد ہلاکتوں کی کل تعداد 17 ہزار 187 ہو گئی ہے جبکہ 4 ہزار 825 نئے مریض بھی رجسٹرڈ ہوئے۔

نیشنل کمانڈاینڈ کنٹرول آپریشن سنٹر( این سی او سی) کے مطابق ملک بھر میں کورونا مریضوں کی تعداد 8 لاکھ 452 تک پہنچ گئی۔

گذشتہ 24 گھنٹے کے دوران 50 ہزار 161 کورونا ٹیسٹ کیے گئے جن میں سے 4 ہزار 825 افراد میں وائرس موجود ہونے کا انکشاف ہوا ہے۔

کورونا سے متاثر 4862 مریضوں کی حالت تشویشناک ہے۔ ملک بھر میں مثبت کیسز کی شرح نو اعشاریہ چھ فیصد رہی۔

این سی او سی کے مطابق صوبہ پنجاب میں کورونا کیسز کی تعداد سب سے زیادہ 2 لاکھ 90 ہزار 788، سندھ میں 2 لاکھ 78 ہزار 545، خیبر پختونخوا میں ایک لاکھ 14 ہزار 77 کیسز اور بلوچستان سے 21 ہزار 743 کیس رپورٹ ہوئے ہیں۔

آزاد کشمیرمیں کورونا مریضوں کی تعداد 16 ہزار 591 ہو گئی، گلگت بلتستان میں 5 ہزار 258 کیسز جبکہ اسلام آباد میں 73 ہزار 450 افراد مرض کا شکار ہیں۔