لاہور: پاکستان مسلم لیگ ن کے صدر اور اپوزیشن لیڈرشہباز شریف کو آف لوڈ کرنے کی اندرونی کہانی سامنے آگئی ہے۔
ذرائع کا کہنا ہے کہ عدالت کے حکم پر شہباز شریف کا نام بلیک لسٹ سے نکال دیا گیا تھا تاہم شہباز شریف کو روکنے کی وجہ (پی این آئی ایل ) میں نام شامل ہونا بنی۔
ذرائع نے بتایا کہ پی این آئی ایل سے نام نکالنے کے لئے ایف آئی اے کو الگ سے درخواست دینا پڑتی ہے، پی این آئی ایل سے نام خارج ہونے تک شہباز شریف بیرون ملک نہیں جاسکتے۔
ترجمان ن لیگ کا اس سلسلے میں کہناہے کہ شہباز شریف کانام جان بوجھ کر حکومت نے اس لسٹ میں ڈالا۔
