گزشتہ 24 گھنٹوں کے دوران کرونا وائرس کے کیسز میں مزید کمی

اسلام آباد: پاکستان میں گزشتہ 24 گھنٹوں کے دوران کرونا وائرس کے کیسز میں مزید کمی دیکھنے میں آئی، 24 گھنٹوں میں 3 ہزار 84 نئے کیسز رپورٹ ہوئے، اموات کی تعداد 19 ہزار سے تجاوز کر گئی۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 113 مریض انتقال کر گئے جس کے بعد کرونا وائرس سے مجموعی اموات کی تعداد 19 ہزار 106 ہوگئی۔

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 3 ہزار 84 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 8 لاکھ 64 ہزار 557 ہوچکی ہے۔

نیشنل کمانڈ سینٹر کے مطابق کرونا وائرس سے صحت یاب مریضوں کی مجموعی تعداد 7 لاکھ 66 ہزار 492 ہوچکی ہے۔

گزشتہ 24 گھنٹوں کے دوران کرونا وائرس کے 38 ہزار 883 ٹیسٹ کیے گئے، اب تک ملک میں 1 کروڑ 22 لاکھ 67 ہزار 310 کووڈ 19 ٹیسٹ ہوچکے ہیں۔

یہ بھی پرھیں: کراچی میں ملک کے سب سے بڑے کرونا ویکسینیشن سینٹر کا افتتاح

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح کم ہو کر 7.93 فیصد ہوگئی، ملک بھر کے 631 اسپتالوں میں کرونا وائرس کے 4 ہزار 859 کیسز تشویشناک حالت میں ہیں۔