اسرائیل عالمی میڈیا کو کنٹرول کررہا ہے، وزیر خارجہ شاہ محمود قریشی کا دوٹوک جواب

نیویارک : امریکی ٹی وی اینکر کی شاہ محمود قریشی سے گفتگو کو یہود مخالف بیانیہ قرار دیکر مسترد کرنے کی ناکام کوشش ہوگئی ، شاہ محمود قریشی نے کہا کہ اسرائیل عالمی میڈیا کو کنٹرول کررہا ہے۔

تفصیلات کے مطابق وزیر خارجہ شاہ محمود قریشی نے سی این سی اینکر کو آئینہ دکھایا اور دوٹوک جواب دیا کہ کس طرح اسرائیل عالمی میڈیا کو کنٹرول کررہا ہے۔

شاہ محمود قریشی کا کہنا تھا کہ عالمی میڈیا نے فلسطینوں کو منصفانہ کوریج نہیں دی ، مقامی افراد کی رپورٹ نے دنیا کو جھنجھوڑا، مقبوضہ کشمیر میں بھی یہی سب ہورہا ہے۔

وزیر خارجہ نے کہا اسرائیل اپنےمضبوط روابط کےذریعےمیڈیاکوکنٹرول کرتاہے اور اسرائیل کو اپنے اثررسوخ کےباعث عالمی میڈیا پر بھرپورحمایت ملتی رہی ہے تاہم اسرائیل میڈیا کے محاذ پرجنگ ہارچکاہے، دنیا بھر میں اس وقت عوامی رائےاسرائیل کیخلاف ہے۔

امریکی ٹی وی اینکر نے شاہ محمود قریشی کی گفتگو کو یہود مخالف بیانیہ قراردیکرمستردکرنے کی ناکام کوشش کی ، شاہ محمود قریشی کا کہنا تھا کہ عالمی میڈیا میں یہ تاثرقائم ہےجسےمتوازن کوریج کے ذریعےردکیا جانا چاہیئے، غزہ کی تباہی پرمقامی افرادکی ویڈیواورتصاویرنےعالمی ضمیر کو ہلا کررکھ دیا۔

انھوں نے مزید کہا کہ غزہ کی ویڈیوز اورتصاویر دیکھ کرسڈنی سےبرسلز تک عوام سڑکوں پر نکل آئے ، لندن،نیویارک اورشکاگومیں لوگ فلسطینیوں پرمظالم کیخلاف باہر نکلے۔

وزیر خارجہ کا کہنا تھا کہ کشمیر میں جو ظلم وستم ڈھایا جارہا ہے کیا اس پر عالمی میڈیا نےتوجہ دی، کشمیر میں ہونےوالےمظالم کو بھی دنیا کے سامنےلایا جائے۔

یہ بھی پڑھیں: پاکستان فلسطینیوں کی جدوجہد کی حمایت جاری رکھنے کیلئے پرعزم

دریں اثنا ، اسرائیل اور حماس نے جمعہ کے روز تک غزہ کی پٹی کے اس پار سے جنگ بندی پر اتفاق کیا ہے جس کے نتیجے میں 11 روز کی بمباری ختم ہوگئی ہے۔ اسرائیل اور حماس دونوں نے تنازعہ میں فتح کا دعوی کیا ہے۔ تاہم ، اسلامی دہشت گردی کی تنظیم ، حماس نے متنبہ کیا ہے کہ اس کے پاس اب بھی اس کے "محرکات” موجود ہیں اور انہوں نے اسرائیل سے مطالبہ کیا ہے کہ وہ یروشلم میں تشدد کو ختم کرے اور غزہ کی پٹی میں ہونے والے نقصانات کا ازالہ کرے۔