بھارت میں ہزاروں ڈاکٹروں نے مستعفی ہونے کا اعلان کردیا

ہڑتال سے روکنے کی عدالتی کوشش، 3 ہزار بھارتی ڈاکٹر مستعفی

میڈیا کے مطابق ہائی کورٹ کی جانب سے ڈاکٹروں کو ہڑتال سے روکنے کی کوشش کی گئی تھی جس کے ردعمل میں 3 ہزار ڈاکٹروں نے استعفے دیدیا۔

مدھیا پردیش ہائی کورٹ نے جونیئر ڈاکٹروں کی ہڑتال کو غیر قانونی قرار دیتے ہوئے جمعے سے ڈیوٹی پر واپسی کا حکم دیا تھا تاہم ڈاکٹروں نے اپنے مطالبات کی منظوری تک ہڑتال جاری رکھنے کے عزم کا اظہار کیا۔

بھارتی میڈیا کے مطابق مدھیا پردیش جونیئر ڈاکٹرز ایسوسی ایشن کے صدر ڈاکٹر اروند مینا نے کہا کہ 6 گورنمنٹ میڈیکل کالجز میں کام کرنے والے تقریبا 3ہزار ڈاکٹر مستعفی ہوگئے ہیں اور انہوں نے اپنے استعفے متعلقہ ڈین کو جمع کروادیے ہیں۔