وزیرستان ہتھیار اسمگل کرنےکی کوشش ناکام

کوہاٹ: پولیس نےکارروائی کرتے ہوئے وزیرستان ہتھیار اسمگل کرنےکی کوشش ناکام بنادی۔

ڈی پی او سہیل خالد کے مطابق خفیہ اطلاع پر پولیس نے انڈس ہائی وے پر ایک گاڑی کو روک کر تلاشی لی تو گاڑی سے 6 کلاشنکوف، ایک کلاکوف،ایک ریپیٹر،18 پستول اور 500 کارتوس برآمد ہوئے۔

پولیس نے بنوں سے تعلق رکھنے والے اسلحہ اسمگلر کو گرفتار کرلیا۔

ڈی پی او کے مطابق اسلحہ درہ آدم خیل سے خفیہ پہاڑی راستے کے ذریعے بنوں اور بعد پھر وزیرستان اسمگل کیا جارہا تھا۔