سندھ میں کورونا کیسز کی شرح پھر دس فیصد سے تجاوز کرگئی

کراچی: سندھ میں کورونا کیسز کی شرح میں اضافہ، کراچی میں 695 مریض سامنے آگئے

محکمہ صحت سندھ کے مطابق گزشتہ چوبیس گھنٹوں کے دوران کراچی میں کورونا کے چھ سو پچانوے مریض سامنے آئے۔ کراچی میں آج کورونا کے مثبت کیسز کی شرح دس اعشاریہ آٹھ نو فیصد ریکارڈ کی گئی۔ جبکہ سندھ میں مجموعی طور پر 15 افراد کورونا وائرس کے سسب زندگی کی بازی ہار گئے۔

صوبائی محکمہ صحت کے اعداد وشمار کے مطابق حیدرآباد میں کورونا کے مثبت کی شرح چار اعشاریہ چار فیصد ریکارڈ کی گئی۔ حیدرآباد کے کُل بتیس شہریوں میں مہلک وائرس کی تصدیق ہوئی۔

اسی طرح سندھ کے دیگر اضلاع میں مثبت کیسز کی شرح ایک اعشاریہ پانچ سات فیصدریکارڈ کی گئی۔ سندھ کے دیگر تمام شہروں میں ایک سو تنتالیس کیسز رپورٹ ہوئے۔ تاہم اس وقت صوبے میں کورونا کیسز کی مجموعی شرح پانچ اعشاریہ ایک نو فیصد ہے۔