گزشتہ 24 گھنٹوں کے دوران کرونا وائرس کے 102 مریض انتقال کر گئے

اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 102 مریض انتقال کر گئے جس کے بعد کرونا وائرس سے مجموعی اموات کی تعداد 24 ہزار 187 ہوگئی

این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 4 ہزار 934 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 10 لاکھ 85 ہزار 294 ہوگئی۔

یہ بھی پڑ ھیں : مریضوں میں کووڈ سے دماغی تبدیلیوں کا خدشہ ہوسکتا ہے

ملک میں کرونا وائرس سے صحت یاب مریضوں کی مجموعی تعداد 9 لاکھ 75 ہزار 474 ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 59 ہزار 397 ٹیسٹ کیے گئے، اب تک ملک میں 1 کروڑ 66 لاکھ 75 ہزار 527 کووڈ 19 ٹیسٹ ہوچکے ہیں۔

این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 8.30 فیصد رہی، ملک بھر کے 631 اسپتالوں میں کرونا وائرس کے 4 ہزار 584 کیسز تشویشناک حالت میں ہیں۔