آصف علی کے 4 بلند و بالا چھکوں نے افغان ٹیم سے فتح چھین لی

دبئی: آصف علی کے  4 بلند و بالا چھکوں نے افغان ٹیم سے فتح چھین لی۔

دبئی میں کھیلے گئے میچ میں گرین شرٹس نے افغان ٹیم کا 148 رنز کا ہدف 19ویں اوور میں  5 وکٹوں پرحاصل کرلیا۔

آصف علی نے19ویں اوور میں 4 چھکے لگاکر میچ جتوادیا، انہیں 7 گیندوں پر برق رفتار 25 رنز بنانے پر میچ کا بہترین کھلاڑی قرار دیا گیا۔

ورلڈ کپ ٹی 20 کے گروپ 2 میں پاکستان نے افغانستان کو 5 وکٹوں سے  شکست دے کر سیمی فائنلسٹ کی فہرست میں اپنی جگہ مضبوط کرلی ہے۔