دوسرے روز بھی کورونا مثبت کیسزکی شرح ساڑھے نو فیصد ریکارڈ کی گئی

اسلام آباد: پاکستان میں کورونا وائرس کی خطرناک صورتحال اختیار کرتا جارہا ہے ، نیشنل کمانڈ ایںڈ آپریشن سینٹر نے ملک میں جاری کورونا وبا کے تازہ ترین اعدادو شمار جاری کردیئے

جس میں بتایا گیا ہے کہ ملک میں 24 گھنٹے میں کورونا سے مزید 8 افراد جاں بحق ہوگئے ، جس کے بعد کورونا سے انتقال کرنے والے افراد کی مجموعی تعداد 29 ہزار 37 ہوگئی ہے۔

این سی اوسی کا کہنا ہے کہ 24گھنٹے میں کورونا کے 57 ہزار 669 ٹیسٹ کیے گئے، جس میں سے کورونا کے مزید 5 ہزار 472 کیسزسامنے آئے ، اس دوران ملک میں کورونا کے کیسز مثبت آنے کی شرح 9.48 فیصد رہی۔

یہ بھی پڑ ھیں : بھارتی فوج کی ایل اوسی پریواین فوجی مبصرین کی گاڑی پر فائرنگ

نیشنل کمانڈ ایںڈ آپریشن سینٹر نے بتایا کہ ملک میں کورونا کے 908 زیرعلاج مریض انتہائی نگہداشت میں ہیں جبکہ ملک بھر میں کورونا سے متاثر ہونے والوں کی مجموعی تعداد 13 لاکھ 38 ہزار 993 تک پہنچ گئی ہے۔

اعدادو شمار کے مطابق سندھ میں کورونا کیسز کی تعداد پانچ لاکھ 9 ہزار 308 ، پنجاب میں 4 لاکھ 55 ہزار 499 ، خیبرپختونخوا میں ایک لاکھ 82 ہزار 619 اور بلوچستان میں 33 ہزار 744 ہے جبکہ اسلام آباد میں ایک لاکھ 12 ہزار 557 ، گلگت بلتستان میں 10 ہزار 455 اور آزاد کشمیر میں 34 ہزار 811 کیسز سامنے آچکے ہیں۔