پٹرولیم مصنوعات کی قیمتوں کی سمری مؤخر

اسلام آباد: پٹرولیم مصنوعات کی بڑھتی قیمت کا بوجھ حکومت اس وقت اپنے اوپر لے گی

وزیر اعظم نے پٹرول 11روپے اور  ڈیزل 14روپے بڑھانے کی سمری منظور نہیں کی۔

وزیر اعظم عمران خان نے پٹرولیم مصنوعات کی قیمتوں کی سمری مؤخر کردی، اوگرا کی جانب سے پیٹرول 11 اور ڈیزل 14 روپے بڑھانے کی سمری بھیجی گئی تھی۔

معاون خصوصی ڈاکٹر شہباز گل کا کہنا ہے کہ وزیر اعظم نے پٹرول 11روپے اور ڈیزل 14روپے بڑھانے کی سمری منظور نہیں کی، وزیراعظم نے پٹرولیم مصنوعات کی قیمتوں کی سمری مؤخر کردی۔

شہباز گل کا کہنا تھا کہ وزیر اعظم نےکہا پوری دنیا میں بڑھتی مہنگائی کے باعث تیل کی قیمتیں بڑھ رہی ہیں۔

وزیراعظم نے پٹرول 11 روپے ڈیزل 14 روپے بڑھانے کی سمری کو منظور نہیں کیا۔ وزیراعظم نے کہا کہ پوری دنیا میں بڑھتی مہنگائی کی وجہ سے تیل کی قیمتیں بڑھ رہی ہیں لیکن پاکستانی عوام کو اس مہنگائی سے بچانے کے لئے حکومت ہر ممکن کوشش کرے گی۔ اس لئے وزیراعظم نے اس سمری کو ڈیفر کردیا۔

— Dr. Shahbaz GiLL (@SHABAZGIL) January 31, 2022

شہباز گل کے مطابق وزیر اعظم نے کہا کہ عوام کو مہنگائی سے بچانے کے لیےحکومت ہرممکن کوشش کرے گی۔

عمران خان نے کہا کہ حکومت اس وقت اس بڑھتی قیمت کا بوجھ اپنے اوپر لے گی، پٹرولیم مصنوعات کی قیمتوں میں اس وقت کوئی تبدیلی نہیں ہوگی۔