ہماری فورسز دہشت گردی کا مقابلہ کرنے کی بھرپور صلاحیت رکھتی ہیں:وزیر داخلہ
اسلام آباد : ہم اپنی بہادر سیکورٹی فورسز کو سلام پیش کرتے ہیں۔
وزیراعظم اور شیخ رشید نے پنجگور اور نوشکی میں دہشت گرد حملوں کی مذمت کرتے ہوئے کہا ہے کہ قوم سیکورٹی فورسز کے پیچھے متحد ہے۔
وزیراعظم عمران خان نے بلوچستان میں دہشتگرد حملوں کو ناکام بنانے پر فورسز کو خراج تحسین پیش کیا۔
انہوں نے کہا کہ ہم اپنی بہادر سیکورٹی فورسز کو سلام پیش کرتے ہیں۔ فورسز نے پنجگور اور نوشکی میں سیکورٹی فورسز کے کیمپوں پر دہشت گردانہ حملوں کو ناکام بنایا۔
ان کا کہنا تھا کہ قوم ہماری سیکورٹی فورسز کے پیچھے متحد ہے، جو ہماری حفاظت کے لیے بڑی قربانیاں دے رہی ہیں۔
وزیر داخلہ شیخ رشید احمد واقعے کی مذمت کرتے ہوئے دہشت گردوں کے حملوں کو پسپا کرنے پر سکیورٹی فورسز کو خراج تحسین پیش کیا۔
وزیر داخلہ نے کہا کہ ہماری سکیورٹی فورسز الحمداللہ کسی بھی قسم کی دہشت گردی کا مقابلہ کرنے کی بھرپور صلاحیت رکھتی ہیں۔ دہشت گردی کے خاتمے میں سکییورٹی فورسز کے عزم اورحوصلے کو خراج تحسین پیش کرتا ہوں۔
شیخ رشید کا کہنا تھا کہ ہماری سکیورٹی فورسز دہشت گردوں کو کسی بھی صورت کامیاب نہیں ہونے دے سکتی۔
