پاکستان میں پیٹرولیم مصنوعات کی فروخت میں بڑی کمی ریکارڈ کی گئی ہے۔
بروکریج ہاؤس ٹاپ لائن سیکیورٹیز کی جانب سے جاری کردہ اعداد و شمار کے مطابق اپریل میں پاکستان میں پیٹرولیم مصنوعات کی مجموعی فروخت 11 لاکھ ٹن رہی جو گزشتہ سال کے اسی عرصے کے 11 لاکھ 70 ہزار ٹن کے مقابلے میں سال بہ سال کی بنیاد پر 6 فیصد کم ہے۔
اعداد و شمار سے معلوم ہوتا ہے کہ اپریل 2024 میں ہائی اسپیڈ ڈیزل (ایچ ایس ڈی) کی فروخت میں سال بہ سال 2 فیصد بہتری آئی، جو 0.469 ملین ٹن ہے۔
اس کے علاوہ پیٹرول کی فروخت سال بہ سال کی بنیاد پر 9 فیصد کم ہوئی جوکہ اپریل میں 0.53 ملین ٹن رہی۔
ماہ بہ ماہ کی بنیاد پر اپریل کے دوران پاکستان آئل فیلڈ لمیٹڈ مصنوعات کی طلب میں 4 فیصد کمی واقع ہوئی جبکہ مارچ 2024 میں یہ تعداد 1.15 ملین ٹن تھی جب کہ اسی طرح اپریل میں ایف او کی وصولی میں 33 فیصد کمی واقع ہوئی۔
مالی سال 24 کے پہلے 10 ماہ کے دوران پیٹرولیم مصنوعات کی مجموعی فروخت میں سال بہ سال 11 فیصد کمی واقع ہوئی اور یہ 12.443 ملین ٹن رہی۔
کمپنی کے لحاظ سے پی ایس او کی آف ٹیک میں اپریل 2024 میں سال بہ سال 3 فیصد کی کمی دیکھی گئی جس کی بڑی وجہ پیٹرول کی فروخت میں 7 فیصد اور ہائی اسپیڈ ڈیزل کی فروخت میں بھی سال بہ سال کی بنیاد پر 4 فیصد کی کمی ریکارڈ کی گئی۔
