کراچی (27 مارچ 2021ء ) پاکستانی کوہ پیما مرحوم محمد علی سدپارہ کے نام سے منسوب کورنگی میں ایک تفریحی پارک کا افتتاح وزیر اعلی سندھ کےمشیر برائے قانون و انسداد بدعنوانی سٹیبلشمنٹ مرتضی وہاب نے کیا۔ٹویٹر پر اپنے پیغام میں مرتضی وہاب نے انکشاف کیا کہ ’اس پارک کا افتتاح اور اب عام لوگوں اور خاص طور پر گلگت کالونی کی برادری کے لئے کیا گیا ہے‘۔
یہاں یہ واضح رہے کہ سدپارہ دنیا کی 14 بلند ترین چوٹیوں میں سے آٹھ پر چڑھ گئے تھے۔
سردیوں میں K2 پر چڑھنے کی یہ ان کی دوسری کوشش تھی جس میں ان کے بیٹے ساجد سدپارہ ، آئس لینڈ کے جان سنوری ، اور چلی کے رکن پارلیمنٹ موہڑ سمیت ٹیم کے ممبران بھی شامل تھے۔ ساجد سانس کے مسائل میں مبتلا ہونے کے بعد 8000 میٹر سے بیس کیمپ میں واپس آئے تھے لیکن علی ، سنوری اور موہر نے چڑھائی جاری رکھی ۔ ساجد نے دعوی کیا کہ ان کے والد اور ٹیم نے کے ٹو کو سر کرلیا تھا اور واپسی پر لاپتہ ہوگئے۔ پاکستان آرمی نے لاپتہ کوہ پیما افراد کی تلاش کے لئے متعدد آپریشن کیے لیکن ان کا کوئی سراغ نہیں ملا۔
