ایک موقف اپنانے پر چوہدری نثار کو تمام مشاورتی عمل سے علیحدہ کر دیا گیا ہے، ترجمان وزیر داخلہ

اسلام آباد: ترجمان وزیر داخلہ نے تسلیم کیا ہے کہ چوہدری نثار علی خان کو ایک موقف اپنانے پر تمام مشاورتی عمل سے علیحدہ کر دیا گیا ہے۔ اپنے بیان میں وزیر داخلہ کے ترجمان نے کہا ہے کہ یہ تاثر سراسر غلط ہے کہ وزیر داخلہ ناراض ہیں اور یہ تاثر بھی غلط ہے کہ انہیں منانے کی کوشش کی جا رہی ہے۔ ترجمان کے مطابق، حقیقت یہ ہے کہ وزیر داخلہ نے چند اہم امور پر پارٹی کی اندرونی میٹنگ میں ایک موقف اختیار کیا، جس کے بعد انہیں تمام مشاورتی عمل سے علیحدہ کر دیا گیا۔ وزیر داخلہ کا یہ موقف ہے کہ انہیں بتایا جائے کہ ایسا کیوں کر ہوا ہے۔