بجلی کی قیمت میں فی یونٹ 40 پیسے کا اضافہ

اسلام آباد: نیپرا نے بجلی کی قیمت میں اضافہ کردیا ، بجلی مہنگی کرنے کا نوٹیفکیشن بھی جاری کردیا گیا ہے۔

نیپرا نے ایک ماہ کیلئے بجلی کی قیمت میں فی یونٹ 40 پیسے کا اضافہ کردیا ہے۔ نیپرا کی جانب سے بجلی مہنگی کرنے کا نوٹیفکیشن بھی جاری کردیا گیا ہے۔

نوٹیفکیشن کے مطابق اضافہ ستمبر کی فیول پرائس ایڈجسٹمنٹ کی مد میں کیا گیا ہے، صارفین سے اضافی وصولیاں نومبر کے بلز میں کی جائیں گی۔

نیپرا کی جانب سے جاری کیے گئے نوٹیفکیشن میں کہا گیا ہے کہ اس فیصلے کا اطلاق لائف لائن اور کے الیکٹرک صارفین پر نہیں ہوگا۔