ٹرمپ کے بیان پر غور کیلیے وزیراعظم نے کابینہ کا اجلاس کل طلب کرلیا

وزیراعظم شاہد خاقان عباسی نے وفاقی کابینہ کا اہم اجلاس کل طلب کر لیا، جس میں امریکی صدر کے بیان پر غور کیا جائے گا۔ وزیراعظم شاہد خاقان عباسی نے کل وفاقی کابینہ کا اجلاس طلب کر لیا، جس میں امریکی صدر ڈونلڈ ٹرمپ کے پاکستان کے حوالے سے بیان پر غور کیا جائے گا جب کہ اجلاس میں ملک کی موجودہ صورت حال سمیت دیگر امور بھی زیر غور آئیں گے۔ واضح رہے کہ ڈونلڈ ٹرمپ کا کہنا تھا کہ پاکستان امریکی رہنماؤں کو بے وقوف سمجھتا ہے اور امریکا نے بھی پاکستان کی مدد کرکے بے وقوفی کی۔ دوسری جانب امریکی صدر کے بیان پر وزیر خارجہ خواجہ آصف نے ٹوئٹ کرتے ہوئے کہا کہ ڈونلڈ ٹرمپ کے بیان پر جلد رد عمل دیا جائے گا اور دنیا کو حقیقت سے آگاہ کیا جائے گا۔