رہنما ایم کیوایم رؤف صدیقی رشتہ ازدواج میں بندھ گئے

ریاض: ایم کیوایم کے سینئر رہنما رؤف صدیقی 57 سال کی عمر میں شادی کے بندھن میں بندھ گئے۔ پاکستان ویوز کے مطابق 57 سالہ رؤف صدیقی کی یہ پہلی شادی ہے،ان کا نکاح آفاق خان کی بیٹی ماہ نور سے پڑھایا گیا، نکاح کی تقریب مکہ مکرمہ میں نہایت سادگی سے منعقد کی گئی۔

نکاح کی تقریب میں خالد مقبول صدیقی، عبدالحسیب اور ایم کیو ایم سعودی عرب کے آرگنائزر کفیل صدیقی سمیت رؤف صدیقی کے قریبی عزیزاور دوستوں نے شرکت کی۔ نکاح الشیخ عبدالمناف نے پڑھایا۔

واضح رہے کہ رہنما ایم کیو ایم رؤف صدیقی اہم عہدوں پر فائض رہے ہیں، وہ ایم کیو ایم سے رکن سندھ اسمبلی بھی رہے جب کہ دونوں گروپ کے درمیان ثالثی کا بھی کردار ادا کررہے ہیں۔ ذرائع کے مطابق رؤف صدیقی کا ولیمہ 13 اپریل کو کراچی میں ہوگا۔