نااہلی کا فیصلہ چیلنج کرونگا، خواجہ آصف کا سپریم کورٹ جانے کا اعلان

خواجہ آصف نے اپنی نااہلی سے متعلق ہائی کورٹ کا فیصلہ سپریم کورٹ میں چیلنج کرنے کا اعلان کیا ہے۔ اپنے ایک انٹرویو میں خواجہ آصف نے کہا ہے کہ وہ اپنی نااہلی سے متعلق اسلام آباد ہائی کورٹ کے فیصلے کو سپریم کورٹ میں چیلنج کریں گے، ان کا کہنا تھا کہ عدالت میں اقامہ کو جواز بنانا کوئی کمال نہیں، کمال تو یہ ہوتا کہ میں نے اقامہ چھپایا ہوتا اور وہ عدالت میں پیش کرتے، حقیقت یہ ہے کہ 1991ء سے میرا اقامہ اور بیرون ملک بینک اکاؤنٹس ظاہر ہیں، ان کا ذکر میرے انتخابی گوشواروں میں بھی ہے۔ واضح رہے کہ اسلام آباد ہائی کورٹ نے مسلم لیگ (ن) کے سینئیر رہنما خواجہ آصف کو اقامہ رکھنے کی بنیاد پر آئین کی شق 62 ون ایف کے تحت نااہل قرار دے دیا ہے۔