سپریم کورٹ کالا باغ ڈیم کا معاملہ مشترکہ مفادات کونسل میں حل ہونے دے، خورشید شاہ

اسلام آباد: پاکستان پیپلز پارٹی کے رہنما خورشید شاہ کا کہنا ہے کہ سپریم کورٹ کو چاہیے کہ کالا باغ ڈیم کا معاملہ مشترکہ مفادات کونسل ہی میں حل ہونے دے۔

پاکستان پیپلز پارٹی کے رہنما خورشید شاہ کا کہنا ہے کہ کالا باغ ڈیم کے خلاف تین صوبوں نے قراردادیں منظور کی ہیں، یہ معاملہ مشترکہ مفادات کونسل کا ہے لہذا وہاں ہی حل ہونا چاہیے، عدالت کو بھی چاہیے کالا باغ ڈیم کا معاملہ مشترکہ مفادات کونسل میں حل ہونے دے جب کہ کالا باغ ڈیم کے معاملے پر وفاق کو نئے چیلنجز درپیش آئیں گے۔

عدالت کی جانب سے پرویز مشرف کو پیش ہونے کے حکم پر خورشید شاہ نے رد عمل کا اظہار کرتے ہوئے کہا ہے کہ پرویز مشرف پاکستان نہیں آئیں گے۔