جلد بیرون ملک سے آنے والی رقوم کو عوام کے گھر تک پہنچائیں گے، مراد سعید

اسلام آباد: وفاقی وزیر مواصلات، پوسٹل سروسز مراد سعید کا کہنا ہے کہ اوورسیز پاکستانی کی طرف سے بھیجی جانے والی رقوم پرکوئی کٹوتی نہیں ہوگی۔ بیرون ملک سے آنے والی رقوم گھر تک پہنچائیں گے۔ بیرون ملک سے بھیجی گئی رقوم مفت وصول کی جا سکیں گی۔ میڈیا سے گفتگو کرتے ہوئے مراد سعید نے کہا کہ اوورسیز پاکستانیوں کو بہتر اور قانونی راستہ دے رہے ہیں۔ عوام کو سہولت دیں گے تو محصولات زر آئے گا۔

ہم پہلے چھوٹے کاروباری حضرات کو ترجیح دیں گے۔ ہمارے 90 فیصد ریسٹ ہاؤسز بک ہو گئے ہیں، ہم ای کامرس سے 900 کاروباری شعبوں میں حصے دار بن گئے ہیں۔ اس قدم سے پاکستان کی ترسیلات زر میں بڑا اضافہ دیکھنے کو ملے گا۔ ہمیں بدلہ اور حوالہ سے بھی نجات ملے گی۔

یہ بھی پڑھیں: عمران خان کے کم عمر ترین وفاقی وزیر مراد سعید سب پر بازی لے گئے

ان کا کہنا تھا کہ 27 ہزار جگہوں پر پاکستان پوسٹل سروس موجود ہیں۔ 27 ہزار جگہوں پرنیشنل بینک کی سہولت موجود ہوگی۔ جلد بیرون ملک سے آنے والی رقوم کو عوام کے گھر تک پہنچائیں گے۔ پاکستان پوسٹ 500 روپے سے 50 ہزار تک گھر پہنچاتا ہے، پاکستان پوسٹ سے ایک دن کے اندر اندر بھی چیزیں بھیجی جا سکتی ہیں۔ برآمد کنندگان کو سہولت سے برآمدات میں اضافہ ہوگا۔

پریس کانفرنس میں وفاقی وزیر کا مزید کہنا تھا کہ پاکستان پوسٹ سے پھل اور میوہ جات بھی برآمد کئے جا سکیں گے، برآمدات پر سستی چیزیں خریدنے کیلئے سبسڈی کارڈ دیا جائے گا۔ ادارے کو کو ایسا بنائیں گے کہ ملکی معیشت کی مضبوطی میں کردار ادا کرے۔