مزید 11 افراد کی میتیں ورثا کے حوالے کرنے کا عمل مکمل

گیارہ روزہ طویل اور کرب دہ انتظار کے بعد طیارہ حادثے میں جاں بحق تمام 44 پاکستانیوں کی لاشوں کی شناخت کا عمل مکمل ہوگیا۔

اسلام آباد کی یخ بستہ صبح میں ٹھٹھرتے جاں بحق افراد کے لواحقین اپنے اپنے پیاروں کی میتیں گھر لے جانے آئے ہیں۔

مزید گیارہ میتیں پمز اسپتال سے لواحقین کے سپرد کردی گئیں۔ 6 افراد کا تعلق چترال کے ایک ہی خاندان سے تھا۔ میتوں کو نور خان ائیر بیس لے جایا گیا جہاں سے انہیں سی ون تھرٹی طیارے کے ذریعے چترال پہنچایا گیا۔

اسپتال انتظامیہ کا کہنا ہے کہ 3 غیر ملکیوں کی میتیں تاحال سرد خانے میں موجود ہیں۔