ویکسین لگانے کیلئے رجسٹریشن کا اگلا مرحلہ16مئی سے شروع

وفاقی وزیراسدعمر نے ٹویٹ کیا ہے ملک میں کورونا ویکسین کی سپلائی بہتر ہوئی ہے۔ پاکستان میں27اپریل سے کورونا ویکسینیشن کیلئے رجسٹریشن کا آغاز ہوا تھا

گزشتہ روز اسد عمر نے ٹویٹ کیا کہ 12 مئی سے تمام 40 سے زیادہ عمر والے رجسٹرڈ افراد کسی بھی ویکسینیشن سینٹر میں جا کر ویکسین لگوا سکیں گے۔

یہ بھی نشاندہی کی تھی کہ 40 سال سے کم عمر لوگوں میں موت کی شرح دوسری لہر کے دوران بڑھ گئی ہے۔ اس سے پہلے ، یہ 1 فیصد تھی لیکن اب 1.8 فیصد ہوچکی ہے۔

ملک بھر میں ایڈلٹ ویکسینیشن مراکز قائم کیے جا چکے ہیں اور ویکسینیشن کا تمام تر عمل ڈیجیٹل میکنزم سے کنٹرول کیا جارہا ہے۔

یہ بھی پڑھیں: اسد عمرکا پچاس سال سے زائد لوگوں کی ویکسینیشن کے لئے رجسٹریشن شروع کرنے کا اعلان

ویکسینیشن کے لیے پنجاب میں 189 اور سندھ میں 14 مراکز قائم کیے گئے ہیں جبکہ خیبر پختونخوا میں 280، بلوچستان میں 44 اور اسلام آباد میں 14 ویکسینیشن سینٹر قائم کیے جا چکے ہیں۔ آزاد کشمیر میں 25 اور گلگت بلتستان میں بھی 16 مراکز کے ذریعے ویکسینیشن کی جا رہی ہے۔

اسد عمر نے کہا ہے کہ چین کے تعاون سے پاکستان میں کین سائنو فارم کی ویکسین کی تیاری آخری مراحل میں ہے۔ مئی کے آخر تک ویکسین استعمال کے لیے دستیاب ہوگی۔