اسلام آباد
پی آئی اے ایئرسفاری پروازیں ایک ہفتے کیلئے ملتوی
قومی ایئرلائن پی آئی اے نے شمالی علاقہ جات کی ایئرسفاری پروازیں ایک ہفتے کیلئے ملتوی کر دیں۔
ترجمان پی آئی اے کے مطابق ایئر سفاری پروازیں ملتوی کرنے کا فیصلہ محکمہ موسمیات کےجاری مراسلے پر کیا گیا ہے۔
ترجمان نے کہا کہ دلکش نظارےکیلئےصاف موسم انتہائی ضروری ہے اس لیے ایئرسفاری کی افتتاحی پرواز12 جون کے بجائے 19 جون کو روانہ ہوگی۔
پی آئی اے نے 12جون سے ایئرسفاری کا اعلان کرتے ہوئے یک طرفہ کرایہ 25ہزار روپے مقرر کیا تھا۔
ائیر سفاری کے ذریعے گلگت بلتستان میں موجود بلند ترین چوٹیاں دیکھنے کا موقع ملے گا، ائیر سفاری کالام ، جھیل سیف الملک ناگاپربت ، کے ٹو سے گزر کر اسکردو میں لینڈ کرے گی۔
خیال رہے کہ قومی ایئرلائن پی آئی اے نے پی آئی اے نے سیاحت کےفروغ کیلئے تاریخ میں پہلی باراسکردو اور گلگت ائیرپورٹ پر 8، 8 پروازیں آپریٹ کی۔
