آج قانون سازی نہیں بلکہ پاکستان کے آئین پر حملہ ہوا ہے

اسلام آباد: سن لیں عمران خان کالے قوانین کے ذریعے الیکشن نہیں ہونے دیں گے۔

ترجمان ن لیگ کا اپنے ایک بیان میں کہنا تھا کہ پارلیمنٹ کو مذاق بنا دیا گیا ہے، آج قانون سازی نہیں بلکہ پاکستان کے آئین پر حملہ ہوا ہے، حکومتی ممبران کی گنتی کو مصنوعی طور پر بڑھایا گیا۔

مریم اورنگزیب کا کہنا تھا کہ عمران خان سن لیں کالے قوانین کے ذریعے الیکشن نہیں ہونے دیں گے، دھمکی اور دباؤ کے باوجود حکومت پارلیمان میں اپنے اراکین پورے نہیں کر سکی۔

ان کا کہنا تھا کہ اسٹیٹ بینک کو آئی ایم ایف کا غلام بنانے کی قانون سازی عوام کو ہمیشہ یاد رہے گی، عوام کے اظہار رائے کا قتل کرنے کی قانون سازی عوام کو ہمیشہ یاد رہے گی۔