ڈینگی سے ہلاکتوں کی تعداد 55 سے تجاوز کرگئی

پشاور: ڈینگی رسپانس یونٹ کی جاری کردہ رپورٹ کے مطابق صوبہ خیبر پختون خوا میں ڈینگی سے ہلاک ہونے والوں کی تعداد55ہو گئی،آج انتقال کر نے والی خاتون مریضہ مریم خیبر ٹیچنگ اسپتال میں زیر علاج تھی۔ ڈینگی رسپانس یونٹ کی رپورٹ کے مطابق آج کے دن صوبے کے مختلف ہسپتالوں میں 1574 افراد کے ٹیسٹ کیے گئے،جن میں 455 افراد میں ڈینگی وائرس کی تصدیق ہو ئی ہے ،جبکہ صوبے کے مختلف ہسپتالوں میں 438 افراد زیر علاج ہیں۔