خیبر پختونخواہ
پہلی بیوی کی اجازت کے بغیر دوسری شادی پر شوہر مجرم قرار
مجرم شوہر کو تین ماہ قید اور 5 ہزار روپے کا جرمانہ بھی عائد
پشاور: عدالت نے پہلی بیوی کی اجازت کے بغیر دوسری شادی پر شوہر کو تین ماہ قید کی سزا سنا دی
بغیر اجازت دوسری شادی کا مقدمہ پشاور کی فیملی کورٹ میں سناگیا، فیملی کورٹ کے جج غلام حامد نے مجرم سجاد خان کو تین ماہ قید کی سزا سناتے ہوئے 5 ہزار روپے کا جرمانہ بھی عائد کیا۔
جرمانے کی عدم ادائیگی کی صورت میں مجرم کو مزید 15 روز قید بھگتنا ہوگی۔ عدالتی فیصلے کے بعد مجرم کو کمرۂ عدالت سے گرفتار کرکے سینٹرل جیل پشاور منتقل کردیا گیا۔
واضح رہے کہ پہلی بیوی نے شوہر کے خلاف 2022ء میں کیس دائر کیا تھا جس کا آج فیصلہ سامنے آیا ہے۔
