خیبر پختونخواہ
وزیراعلیٰ علی امین گنڈا پور کے ناقابل ضمانت وارنٹ گرفتاری جاری
اسلام آباد کی ماتحت عدالت نے وزیراعلیٰ خیبرپختونخوا علی امین گنڈا پور کے ناقابل ضمانت وارنٹ گرفتاری جاری کردیئے۔
جوڈیشل مجسٹریٹ مبشرحسین زیدی نے تھانہ بہارہ کہو کے مقدمہ کی سماعت کی، جوڈیشل مجسٹریٹ نے غیرقانونی اسلحہ و شراب برآمدگی کیس میں مسلسل عدم حاضری پر وزیراعلیٰ خیبرپختونخوا علی امین گنڈا پور حکم جاری کیا۔
متعدد مرتبہ عدالتی طلبی کے باوجود علی امین گنڈاپور عدالت میں پیش نہ ہوئے۔ عدالت نے حکم دیا کہ علی امین گنڈاپور کو گرفتار کرکے 12 اکتوبر کو پیش کیا جائے۔
دوسری جانب عدالت کی جانب سے وارنٹ گرفتاری جاری ہونے کے بعد علی امین گنڈاپور کی گرفتاری کیلئے پولیس اور رینجرز کے پی ہاؤس کے باہر پہنچ گئے۔ غیرقانونی اسلحہ و شراب برآمدگی کیس میں وزیراعلیٰ خیبرپختونخوا کی گرفتاری کا امکان ہے۔
