خیبرپختونخوا اسمبلی میں اساتذہ کی انتہائی کم تنخواہ پر توجہ دلاؤ نوٹس جمع

خیبرپختونخوا اسمبلی میں اساتذہ کی انتہائی کم تنخواہ پرتوجہ دلاؤ نوٹس جمع کرادیا گیا،توجہ دلاؤ نوٹس پیپلزپارٹی کےممبراسمبلی احمد کریم کنڈی نے جمع کروایا۔

توجہ دلاونوٹس کےمطابق ڈبل شفٹ سکول کے 8 ہزاراساتذہ 2022 سےانتہائی کم تنخواہ لےرہے ہے، حکومت نےکم سےکم ماہانہ اجرت 36 ہزارروپے مقررکی ہے،صوبے کےڈبل شفٹ سکولوں میں 1 لاکھ 58 ہزار طلبہ زیرتعلیم ہے۔

دو نہیں ایک پاکستان کا نعرہ لگانے والی حکومت میں اساتذہ بنیادی حق سے محروم ہے،حکومت اس حوالے سے کیا اقدامات کر رہی ہے ایوان کو آگاہ کیا جائے۔