پشاور، نامعلوم مسلح ملزمان کی فائرنگ سے 2 افراد جاں بحق، 2 زخمی

پشاور: پشاور کے علاقے بھانہ ماڑی میں نامعلوم مسلح ملزمان نے چلتی گاڑی پر فائرنگ کردی جس کے نتیجے میں 2 افراد جاں بحق جبکہ 2 زخمی ہوگئے۔ پولیس کے مطابق واقعہ پرانی دشمنی کا شاخسانہ ہے۔ ہلاک شدگان میں نعیم و ندیم نامی افراد شامل ہیں جبکہ واقعہ میں زخمی ہونے والوں کو قریبی ہسپتال منتقل کیا گیا ہے۔ پولیس نے نامعلوم ملزمان کیخلاف مقدمہ درج کرکے تفتیش شروع کردی۔