گورنر ہاؤس خیبر پختونخوا عوام کیلئے ہفتے میں 2 روز کھولنے کا فیصلہ

پشاور: گورنر ہاؤس خیبر پختونخوا کو عوام کیلئے ہفتے میں 2 روز کھولنے کا فیصلہ کیا گیا ہے۔ وزیراعظم عمران خان کی ہدایت پر گورنر ہاؤس خیبر پختونخوا کو ہفتے میں 2 دن بروز جمعہ اور اتوار کو کھولنے کا فیصلہ کیا گیا ہے۔ گورنر ہاؤس جمعہ کے روز ڈھائی سے شام 5 بجے تک بچوں اور فیملیز کیلئے، جبکہ اتوار کے روز صبح 10 بجے سے دوپہر 2 بجے تک طالبات کیلئے کھولا جائے گا۔ واضح رہے کہ سندھ، پنجاب اور مری کے بعد گورنر ہاؤس خیبر پختونخوا کے دروازے بھی عوام کیلئے کھول دیئے گئے ہیں۔ لوگوں نے حکومت کے اس اقدام کو سراہا ہے۔