محکمہ وائلڈ لائف نے کاروائی، 2عقاب اور9 چیمپینزی بر آمد

لکی مروت میں اعلی نسل کے عقاب اور پاکٹ سائز بندروں کو اسمگل کرنے کی کوشش ناکام بنا دی گئی، بنوں ڈیرہ روڈ پر محکمہ وائلڈ لائف نے کاروائی کرتے ہوئے کراچی جانے والی بس سے دو عقاب اور نو چیمپینزی برآمد کرلئے۔

عقاب اور چیمپینزیز کو بس کے خفیہ خانوں میں چھپایا گیا تھا۔

ڈی ایف او وائلڈ لائف خان ملوک خان نے میڈیا سے گفتگو کرتے ہوئے کہا کہ خفیہ ذرائع سے عقابوں کی اسمگلنگ کی اطلاع ملنے تھی، جس کے بعد وانڈہ بنوچی چیک پوسٹ پررینج آفیسر محمد شاہد خان کی سربراہی میں تعینات خصوصی ٹیم نے مسافر بس روک کر اس کے خفیہ خانوں میں چھپائے گئے قیمتی عقاب اور چیمپینزیز برآمد کرلئے۔